Beth mae’r ddeddf yn ei ddweud
English Language Version : What the law says
Mae eich hawliau i beidio â wynebu gwahaniaethu yn eich erbyn ar sail anabledd yn cael ei ddiogelu gan:
On this page
Y Ddeddf Gwahaniaethau ar sail Anabledd
Nod Deddf Gwahaniaethu ar sail Anabledd (DGSA) 1995 yw rhoi diwedd ar y gwahaniaethu y mae llawer o bobl anabl yn ei wynebu. Mae’r Ddeddf hon wedi’i hymestyn yn sylweddol, gan gynnwys Deddf Gwahaniaethu ar sail Anabledd 2005. Mae bellach yn rhoi hawliau i bobl anabl ym meysydd:
-
cyflogaeth
-
addysg
-
mynediad i nwyddau, cyfleusterau a gwasanaethau
-
prynu neu rentu tir neu eiddo, gan gynnwys ei gwneud yn haws i bobl anabl rentu eiddo ac i denantiaid wneud addasiadau sy’n gysylltiedig ag anabledd
Mae’r Ddeddf bellach yn ei gwneud yn ofynnol i gyrff cyhoeddus hyrwyddo cyfle cyfartal i bobl anabl. Mae hefyd yn caniatáu i’r llywodraeth osod safonau sylfaenol fel y gall pobl anabl ddefnyddio trafnidiaeth gyhoeddus yn hawdd.
Back to top^
Y Ddeddf Hawliau Dynol
Mae’r Ddeddf Hawliau Dynol yn cyflwyno’r hawliau sydd gennych chi o dan y Confensiwn Ewropeaidd ar Hawliau Dynol i gyfraith y DU. Os byddwch chi’n wynebu gwahaniaethu ar sail anabledd, efallai y bydd gennych chi achos o dan y Ddeddf Hawliau Dynol a’r Ddeddf Gwahaniaethu ar sail Anabledd.
Enghraifft
Os na chafodd gwybodaeth angenrheidiol am yr achos mewn gwrandawiad llys ei darparu mewn ffordd hygyrch, gallech chi gyflwyno cais o dan y DGSA am fethu â darparu gwybodaeth hygyrch - a hefyd o dan y Ddeddf Hawliau Dynol am fethu â chaniatáu i chi gael gwrandawiad teg.
Back to top^